М.Дулатов атындағы Қостанай инженерлік-экономикалық университеті базасында кәсіптік бағдар беру жұмысы бойынша консорциум аясында мектеп түлектеріне арналған облыстық олимпиада өткізілді.
Зияткерлік сайысқа облыс бойынша 140-тан астам оқушы қатысты. Біздің мектептен 7 оқушы бақ сынады.
Жиналған балл қорытындысы бойынша жеңімпаздарға университеттің бірінші оқу жылының төлемінен 50%, 75% және 100% мөлшерінде жеңілдіктер берілді.
Қуанышты жаңалық! Біздің мектеп түлегі Амирбеков Ерамир жүлделі нәтиже көрсетіп, оқу ақысының 50% жеңілдігін жеңіп алды.
Оқушымызды жетістігімен құттықтаймыз! Жарқын болашаққа сенімді қадам жасап, биік белестерді бағындыра беруіне тілектеспіз!
